Lajmet për COVID-19 janë përhapur kudo, shprehet profesori i psikiatrisë, dhe tha se janë të rrezikshme. Ndonjëherë duket sikur pandemia është gjithçka për të cilën flasim thotë profesor Steven Siegel.
Sado e vështirë të jetë kjo përvojë, është më e lehtë për të rriturit e arsimuar sesa për fëmijët thotë ai për burimin The Conversation përcjell Gazeta Shneta.
Ne të rriturit shohim përmes një lente përvoje jetësore; perspektiva jonë ndihmon ta kapërcejmë.
Më pak e qartë është se si ndikon kjo gjendje te fëmijët që e marrin atë pa perspektivë. Çështja është veçanërisht e rëndësishme të merret në konsideratë pasi shumë fëmijë përgatiten të shkojnë përsëri në shkollë dhe të tjerët përgatiten për të mësuar përmes internetit.
Një fëmijë mund të fillojë të besojë se bota është një vend i rrezikshëm dhe se e vetmja mënyrë për të mbijetuar është të jesh mbrojtës, ose më keq, agresiv.
Por si prindër, ne duhet të udhëheqim rrugën. Ne duhet t’i mësojmë ata të përqafojnë fuqinë që kemi të gjithë – dhe pastaj ta përdorim atë për të bërë zgjedhje që krijojnë rezultate më të mira.
Si psikiatër praktikues dhe profesor i psikiatrisë në Universitetin e Kalifornisë Jugore, mund t’ju them se kjo është e mundur, madje edhe gjatë një pandemie.
Këtu janë disa gjëra që mund të filloni ta mësoni fëmijën tuaj sot:
Një respekt ‘i shëndetshëm’ për atë se çka është e rrezikshme
Nëse e mësojmë fëmijën të respetojë rregullat anticovid qoftë të distancimit ose bartjes së maskës si dhe mbajtjen e higjienës personale, vie në analogji me rregullat e përgjithshme që ndjek fëmija në komunikacion.
Ndjekja e trotuareve dhe përdorimi i semaforave ka qenë përherë këshilla për ruajtjen e sigurisë së tyre drejt rrugës që dërgon në shkollë ose dyqane.
Ngjajshëm veprojmë dhe këtu – mësimi i respektimit të masave anticovid – do krijojë rezultate të mira tek fëmijët.
Bëni zgjedhje të mira
Përdorimi një maske, qëndrimi larg nga të tjerët kur jeni jashtë dhe pastrimi i duarëve kur prekni gjithçka që mund të kenë prekur të tjerët.
Kjo nuk garanton siguri, por zvogëlon shumë mundësinë e sëmurjes. Gjithashtu i siguron një fëmije një sens kontrolli dhe fuqizimi.
Fëmijët mësojnë se ndjekja e rregullave është një mënyrë për të qëndruar i sigurt, dhe se bota, me të gjitha rreziqet e saj, është ende një vend ku mund të krijosh një mjedis të shëndetshëm dhe pozitiv.
Respekt për të tjerët
Bartja e një maske në publik mbron njerëzit e tjerë, përfshirë prindërit, gjyshërit, fqinjët dhe miqtë.
Por nëse ndodh e kundërta, mosrespektimi i të tjerëve, do të ketë një shans që të shpërfillet siguria e dyanshme.
Thelbësore në këtë mesazh: Ju nuk jeni vetëm! /Gazeta Shneta/