Shërbimi Kombëtar i Shëndetit të Britanisë së Madhe (NHS) do të ofrojë për herë të parë terapi gjenike për pacientët me sëmundjen e qelizave drapëresh, një çrregullim serioz i gjakut që shkakton dhimbje kronike, lodhje dhe komplikacione të shumta shëndetësore.
Trajtimi, i quajtur Exa‑cel, përdor qelizat e pacientit, modifikon gjenetikisht gjakun për të prodhuar qeliza të shëndetshme të kuqe dhe më pas i rikthen pacientit. Kjo mund të eliminojë simptomat kryesore dhe të përmirësojë ndjeshëm cilësinë e jetës, duke reduktuar nevojën për transfuzione të shpeshta, shkruan Medical News, transmeton Gazeta Shneta.
BBC raporton se ky është një hap historik në shëndetësinë britanike, pasi deri tani trajtimet për këtë sëmundje kanë qenë vetëm simptomatike dhe nuk ofronin shërim të plotë. Terapia është rezultat i vitet e kërkimit intensiv shkencor dhe bashkëpunimeve ndërkombëtare midis universiteteve dhe laboratorëve mjekësorë.
Ekspertët paralajmërojnë se terapia nuk është për të gjithë pacientët dhe kërkon monitorim të kujdesshëm, por pritet të jetë një opsion revolucionar për ata që përballen me formë të rëndë të sëmundjes. NHS po planifikon të ofrojë trajtimin gradualisht, duke filluar me qendrat kryesore të hematologjisë në Angli.
Ky zhvillim tregon një hap të madh drejt zgjidhjeve të personalizuara shëndetësore, ku terapia gjenike mund të ndryshojë rrënjësisht jetën e pacientëve me sëmundje kronike të gjakut. /Gazeta Shneta/