Dy tërmete të njëpasnjëshme, 7.7 dhe 6.6 ballë kanë goditur Mianmarin, duke prekur dhe Tajlandën.
Deri më tani numërohen të paktën 144 të vdekur dhe mbi 730 të plagosur nga tërmeti, sipas kreut të qeverisë ushtarake të Mianmarit.
Gjithashtu mijëra persona kanë ngelur të bllokuar nën rrënojat e ndërtesave të rrëzuara, me autoritetet që janë vendosur menjëherë në ndihmë të qytetarëve.
“I gjithë qyteti Mandalay u prek nga tërmeti. Ne po menaxhojmë me burimet që kemi në lagje”, tha një dëshmitar okular./TCH/
