Kur pacientët me Covid-19 mbërrijnë në dhomat e urgjencës, ka relativisht pak mënyra që mjekët të parashikojnë se cilët prej tyre kanë më shumë të ngjarë të sëmuren në mënyrë kritike dhe të kërkojnë kujdes intensiv dhe cilët kanë më shumë gjasa të gëzojnë një shërim të shpejtë.
Kërkimi i ri në Yale mund t’i ndihmojë ata të identifikojnë të dhëna të rëndësishme të hershme shkruan MedicalxPress përcjell Gazeta Shneta.
Në një studim të fundit, studiuesit raportojnë se një seri biomarkerësh, ose sinjalesh biologjike, të shoqëruara me aktivizimin e qelizave të bardha të gjakut dhe mbipesha mund të parashikojnë rezultate të rënda në pacientët me Covid-19.
Gjetjet u shfaqen në botimin e 26 shkurtit të ‘Blood Advances’.
Pacientët me nivele të larta të këtyre shënuesve kishin më shumë mundësi të kërkonin shtrimin në njësinë e kujdesit intensiv, ose të kërkonin ventilim apo të ju përkeqësohet gjendja për shkak të Covid-19, tha Dr. Hyung Chun, autori kryesor, profesor i asociuar i mjekësisë në patologjinë kardiovaskulare në Yale.
Më parë, disa studime laboratorike kishin identifikuar tregues të mundshëm të Covidit të rëndë, duke përfshirë nivelet e D-dimerit, një masë të koagulimit të gjakut dhe nivelet e proteinave të njohura si citokina, të cilat lëshohen si pjesë e përgjigjeve inflamatore në trup.
Veçanërisht, biomarkerët e ngritur të neutrofileve për pacientët të cilët do të përjetonin simptoma më serioze ishin të dukshme para se ato simptoma të zhvilloheshin.
Të kesh njohuri të hershme për këta tregues mund të përmirësojë ndjeshëm trajtimin e pacientit, thanë studiuesit. /Gazeta Shneta/