Në komunën e Prizrenit para dy ditësh ka rezultuar pozitive me koronavirus një paciente nga reparti i dializës në Spitalin e Përgjithshëm.
Ndërkaq një ditë më vonë kanë rezultuar pozitiv tetë punëtorë shëndetësorë të këtij reparti, dhe një familjar i pacientes, shkruan Gazeta Shneta.
Lajmin e ka bërë të ditur drejtori për shëndetësi në komunën e Prizrenit Visar Shehu në një prononcim për TV Prizreni. “Janë bërë 18 testime dhe nëntë prej tyre kanë rezultuar pozitiv. Tetë prej tyre janë punëtorë shëndetësorë të repartit të dializës dhe kjo është shqetësuese për faktin se të gjithë janë nga familje të ndryshme dhe tani duhet të gjurmohen të gjithë”, ka deklaruar Shehu.
Ai ka thënë se në Prizren deri më tani janë të konfirmuar pozitiv 46 persona. /Gazeta Shneta/
