Presidenti i Republikës së Kosovës, Hashim Thaçi, në një intervistë për RTV Dukagjini, çuditërisht ka kërkuar që të mos ekzagjerohet situata e keqe në shëndetësinë kosovare.
Në një debat të ashpër me gazetarin Arben Ahmeti, Thaçi ndër të tjera deklaroi se duhet shikuar gjendja ndryshe dhe se “nuk jemi në Afrikë”.
Ahmeti ka replikuar me presidentin edhe për autostradën për Shkup e cila kushtoi 60 milionë euro.
Ai e konsideron këtë projekt të gabuar, pasi me ato para do mund të përmirësohej dukshëm situata në shëndetësinë kosovare dhe pacientët të mos detyroheshin të shkonin për shërim në Shkup.
“Pse të mos ndërtojmë spital këtu por të shpenzojmë 60 milionë euro autostradë për t’u shëruar në Shkup”, u shpreh Ahmeti.
“Ndjehem krenar me këtë investim”, replikoi presidenti Thaçi, duke shtuar se më me rëndësi për të dhe qeveritë që ai ka drejtuar ka qenë asfaltimi i Kosovës. /Gazeta Shneta/
Emisioni i plotë: