Të shtunën në Klinikën Amerikane në Prishtinë u realizua me sukses trajnimi teknik në përdorimin e avancuar të ultrasonografisë për diagnostifikimin e malformimeve të fetusëve gjatë shtatzënisë.
30 gjinekologë nga Kosova, Shqipëria e Maqedonia ndoqën dhe praktikuan teknikat më të reja ultrasonografike të pajisjeve Voluson, të specializuara në këtë lëmi, shkruan Gazeta Shneta.
Mjekët patën mundësi që këto teknikat t’i mësojnë nga dy specialistë aplikimi nga prodhuesi GE Healthcare: Michael Haizinger dhe Giannis Dimitrakopulos.
Pajisjet e përdorura ishin të teknologjisë së fundit: Voluson E8 BT18 dhe Voluson S10 BT16, ndërsa fokusi kryesor i trajnimit ishte rëndësia klinike e përdorimit të 3D/4D.
Pjesëmarrësit në fund u certifikuan për trajnimin. ‘Voluson User Day’ është organizmi i parë i këtij lloji në Kosovë, ndërsa realizimin e tij e mundësuan Yess Pharma dhe Klinika Amerikane. /Gazeta Shneta/
