Kompania farmaceutike Merck, aplikoi në muajin tetor për autorizim emergjent të trajtimit të COVID-19 me pilulën antivirale molnupiravir.
Ky bari del të jetë premtues, pasiqë mund të përgjysmojë mundësinë e dikujt për t’u shtruar në spital, thanë udhëheqësit e kompanisë, shkruan MedicalxPress përcjell Gazeta Shneta.
Por ekspertët e shëndetësisë i thanë The News & Observer se trajtimet nuk janë zëvendësim për parandalimin e sigurt dhe efektiv që kemi tashmë kundër koronavirusit e që janë: vaksinat anti-COVID-19.
“Më mirë të parandalojmë një zjarr sesa të shuajmë një zjarr,” tha Dr. David Wohl, ekspert i sëmundjeve infektive në UNC-Chapel Hill.
Ja pse duhet të vaksinoheni, nëse nuk e keni bërë tashmë, në vend që të prisni rreth trajtimeve anti-COVID.
– Vaksinat i mbajnë njerëzit jashtë spitalit
Molnupiravir, si një pilulë orale, është një mënyrë e arritshme dhe e lehtë për të trajtuar pacientët me COVID-pozitiv.
Dhe kjo mund t’i mbajë njerëzit jashtë spitalit. Të dhënat paraprake sugjerojnë se pilula Merck mund të zvogëlojë mundësinë e shtrimit në spital me 50%.
Por nuk është aq e mirë sa vaksinat.
Një studim i shtatorit nga Qendrat për Kontrollin dhe Parandalimin e Sëmundjeve (CDC), zbuloi se vaksinat nga Moderna, Pfizer dhe Johnson & Johnson ishin, përkatësisht, 93%, 88% dhe 71% efektive në parandalimin e shtrimit në spital.
– Vaksinat parandalojnë infeksionin
Me 55% të Karolinës së Veriut të vaksinuar plotësisht – mbi 5.8 milion njerëz – madhësia e mostrës është mjaft e madhe për të ditur se shpëton jetë.
Një studim në muajin gusht nga Departamenti i Shëndetit dhe Shërbimeve Njerëzore të N.C. zbuloi se njerëzit që janë të pavaksinuar kanë më shumë se katër herë gjasa të kapin COVID-19 dhe 15 herë më shumë gjasa të humbasin jetën nga sëmundja, raportoi më parë The N&O. /Gazeta Shneta/