Mbrojtja kundër Omicron vjen me rrezik. Për disa njerëz, marrja e një doze përforcuese kundër Covid mund të çojë në “efekte anësore serioze”, paralajmëroi Agjencia e Sigurisë Shëndetësore në Mbretërinë e Bashkuar.
Ndërsa doza përforcuese Covid është shumë efektive në reduktimin e rrezikut të shtrimit në spital për shkak të një infeksioni me SARS-CoV-2, ju mund të keni ende nevojë për kujdes mjekësor pas vaksinimit, shkruan Express.co.uk përcjell Gazeta Shneta.
Shenjat për të cilat duhen kërkuar vëmendje të shtuar, pas marrjes së dozës përforcuese janë këto:
– Dhimbje gjoksi;
– Frymëmarrje e shkurtër;
– Një zemër që rreh fort dhe shpejt;
Efektet anësore më të zakonshme, të cilat janë të njëjta për të gjitha vaksinat kundër Covid në Mbretërinë e Bashkuar, përfshijnë: lodhje, dhimbje koke, dhimbje të përgjithshme, simptoma të lehta të ngjashme me gripin si dhe ndjenjë e dhimbshme në krah.
Këto efekte anësore më të zakonshme mund të lehtësohen përmes pushimit, paracetamolit dhe kohës së kaluar.
“Simptomat pas vaksinimit zakonisht zgjasin më pak se një javë,” vuri në dukje Agjencia e Sigurisë Shëndetësore e Mbretërisë së Bashkuar (HSA).
Jini të vetëdijshëm se një infeksion Covid është ende i mundur pas një vaksine përforcuese, por rreziku reduktohet, si dhe mund të ju duhen disa ditë që trupi të krijojë mbrojtje kundër Omicron pas imunizimit. /Gazeta Shneta/