Sëmundja që u bë shkak i vdekjes së tre fëmijëve po besohet se ka lidhje me COVID-19.
Tre fëmijë kanë vdekur si pasojë e sëmundjes misterioze të përhapur në New York, tha guvernatori Andrew Cuomo – shkruan BBC, transmeton GazetaShneta.
Guvernatori e përshkroi sëmundjen si një sindromë të re që shkaktoi inflamacion të enëve të gjakut, duke çuar kështu në probleme të mundshme të zemrës.
Cuomo tha se, autoritetet shëndetësore po shqyrtonin 73 raste të ngjashme të fëmijëve në të gjithë shtetin.
Shumë nga fëmijët nuk shfaqën simptoma të shoqëruara zakonisht me Covid-19, por më vonë u testuan pozitiv.
Tri vdekjet mund të tregojnë se virusi paraqet një rrezik më të madh për të rinjtë sesa mendohej më parë, tha Cuomo./GazetaShneta/