Ashtu sikurse gjatë shtatzënisë, kujdesi ndaj vetes dhe shëndetit tuaj duhet të jetë prioritet. Në momentin që ju si nënë filloni të ndiheni mirë, ju do t’i ofroni edhe foshnjes suaj ngrohtësinë dhe dashurinë që ajo e meriton.
Por, çfarë duhet të keni parasysh pas periudhës së lindjes?
–Mos i injoroni dhimbjet
Shumë gra pas lindjes kanë dhimbje, por që kohëzgjatja e saj mund të ndryshojë shkruan Healthline, transmeton Gazeta Shneta.
Dhimbjet e kokës, ethet, dhimbje gjatë urinimit, gjakderdhje, dhimbje në gjok e vështirësi në frymëmarrje janë disa prej shenjave që nuk duhet injoruar dhe që patjetër duhet kontaktuar mjekun tuaj.
–Mos i mbani të fshehura emocionet e juaja
Është e zakonshme që pas lindjes të keni emocione të ndryshme. Kjo pasi 1 në 5 gra mund të përjetojnë depresion pas lindjes.
Studiuesit kanë treguar se mbështetja sociale në periudhën pas lindjes mund t’ju ndihmojë në uljen e shkallës së depresionit.
-Mos e neglizhoni ushqimin tuaj
Edhe pse kujdesi ndaj foshnjes është e rëndësishme për ju, ju duhet t’i kushtoni rëndësi edhe ushqimit tuaj. Nëse jeni nënë gjidhënëse, trupi juaj ka nevojë për 450 deri në 500 kalori shtesë në ditë për të mbështetur prodhimin e qumështit.
Mundohuni të konsumoni ushqime të freskëta, perime, drithëra dhe përpiquni të qëndroni të hidratuar./Gazeta Shneta/