Ministria e Shëndetësisë, saktësisht Agjencia e Kosovës për Produkte dhe Pajisje Medicinale, ka marrë vendim që të ndalojë përdorimin e produkteve me përmbajtje të substancës ‘Ranitidinë’, ku thuhet se në këtë medikament janë gjetur elemente kancerogjene. Ndërsa ky medikament është ndaluar tash e disa vite në BE dhe shumë vende të botës, përcjell Gazeta Shneta.
Në vendimin e Agjencisë të Kosovës për Produkte dhe Pajisje Medicinale, (APMK) thuhet se pezullohen të gjitha certifikatat e Autorizim Marketingut të Produkteve medicinale me përmbajtje të substancës ‘Ranitidinë’, gjithashtu thuhet se ndalohet importi i produktit medicinal në fjalë për aq kohë sa zgjatë pezullimi.
Në arsyetimin e APMK, thuhet se janë bazuar në rekomandimin e Komisionit për Vlerësimin e Produkteve Medicinale dhe Pajisje Medicinale, Departamentit Farmakovigjilencës dhe vendimit të Komisionit Europian sipas të cilës komiteti i barnave për përdorim human i EMA’s(CHMP), konfirmoi rekomandimin për të pezulluar të gjitha barnat ranitidinës në EU për shkak të pranisë së një papastërtie që planifikohet si kancorogjen i mundshëm për njerëzit (Një substancë që mund të shkaktojë kancer) bazuar në studimet në kafshë.
Mirëpo ka disa vite që në vendet e BE’së medikamenti i tillë është ndaluar për shkak të substancës kancerogjene. Ndërsa në Kosovë ky vendim vije më vonesë duke pas parasysh që përdorimi i këtij ilaçi është i madh në vendin tonë.
Shumë ilaçe ranitidine nuk janë të disponueshme në BE për disa vite. Kjo për shkak se autoritetet kombëtare i kanë tërhequr ato si masë paraprake, ndërsa rishikimi i EMA ishte në vazhdim.
Që nga viti 2018, NDMA dhe komponime të ngjashme të njohura si nitrosaminat janë zbuluar në disa ilaçe. Rregullatorët e BE-së kanë vepruar për të identifikuar burimet e mundshme të papastërtive dhe kanë vendosur kërkesa strikte për prodhuesit.
Shumë ilaçe ranitidine nuk janë të disponueshme në BE që disa vite. Kjo për shkak se autoritetet kombëtare i kanë tërhequr ato si masë paraprake, ndërsa rishikimi i EMA ishte në vazhdim.
Kjo substancë NDMA, është gjetur në disa barna ranitidinë mbi nivelin e konsiderueshme të pranueshëm dhe ka pyetje të pazgjidhura në lidhje me burimin e kësaj papastërtie.
Për këtë AKPM i referohet të dhënave më të fundit të publikuara në faqen zyrtare të Administratës Amerikane për Barna dhe Ushqime (FDA-Food and Drug Administration) si dhe të Agjencisë Evropianë të Barnave (EMA- European Medicines Agency).
Ndryshe ranitidina që është familje e Ranitalit përdoret shumë në Kosovë.
Administrata Amerikane për Barna dhe Ushqime si dhe Agjencia Evropiane e Barnave, në vitin 2019 kishin publikuan një raport në të cilën thuhet se në ilaçet me lëndë aktive ‘Ranitidinë’, janë gjetur elementë kancerogjenë.
Menjëherë pas këtij raportimi, vendet e rajonit si Shqipëria dhe Maqedonia e Veriut morën vendim për tërheqjen e këtij lloji të branës nga tregu i tyre farmaceutik, por jo vetëm, edhe Italia me disa shtete tjera evropiane ishin nga ato që ndaluan përdorimin e këtij bari në shtetet e tyre, raporton arbresh.info.
Madje Shqipëria, në lidhje me këtë çështje e kishte njoftuar edhe Odën e Mjekëve të Kosovës.
Por çfarë është Ranitidina:
Ranitidina futet tek familja e (Ranitalit), i përket grupit të medikamenteve që quhen antagoniste të receptoreve histaminike H2. Ajo frenon sekretimin e acidit gastrik nga qelizat e membranës mukoze të stomakut.
Ranital tableta përdoret për :
Mjekimin e ulçerës duodenale
Mjekimin e ulçerës peptidike, nëse nuk ështe malinje (origjinë kancerogjene)
Mjekimin e sindromën Zollinger-Ellison
Gjithashtu, Ranital 150 mg tableta përdoret për:
Parandalimin e ulçerës duodenale
Parandalimin e ulcerës peptidike, nëse nuk ështe malinje (origjine kancerogjene).
Mjekimin ose parandalimin e inflamimin e membranës mukoze të ezofagut, shkaktuar nga refluksi i lëngut të stomakut (refluks ezofagitit).
Profilaksinë e aspirimit të përmbajtjes gastrike gjatë anestezisë së përgjithshme tek pacientët që konsiderohen në rrezik për aspirim të acidit.
Parandalimin e vazhdueshëm të hemorragjisë si: stomakut dhe ulçerative (p.sh. ulçeracion stresi)
Parandalimin dhe mjekimin e dispepsisë
Parandalim e ulçerës duodenale të shkaktuar nga AIJS (anti-infiamatorët josteroidalë)./ Gazeta Metro/