Ministri i Shëndetësisë po vazhdon vizitën e tij në Turqi ku ka vizituar spitalin shtetëror të Ankarasë.
Gjatë qëndrimit të tij në këtë spital ka vizituar një pacient nga Peja, A.K. i cili kishte kërkuar shërim në këtë spital, shkruan Gazeta Shneta.
Në njoftimin e Ministrisë së Shëndetësisë, thuhet se Latifi i ka uruar shërim pacientit ndërsa ka falënderuar stafin mjekësor për kujdesin ndaj tij.
“Me që për shumë qytetar nga Kosova, ky spital ka kryer shërbime të ndryshme, ministri Latifi, gjatë kësaj vizite takoj qytetarin nga Kosova, respektivisht nga Peja, A.K., i cili kishte ardhur në këtë spital për shërim. Pacientit në fjalë, ministri Latifi i uroj shërim të shpejtë dhe falënderoj stafin shëndetësor të këtij spitali për kujdesin e treguar”, thuhet në njoftimin e MSH-së.
Tutje në njoftim thuhet se Latifi u njoh nga nikoqirët e këtij spitali me menaxhimin, punën, angazhimet dhe për kujdesin e lartë shëndetësor që ofrohet për pacientët të kërkojnë shërbime në këtë spital.
“Po ashtu, ministri Latifi, u shpreh se është i gatshëm për bashkëpunim dhe se institucioni që drejton ai, ka në qendër të shërbimit pacientin dhe se sukseset mund të arrihen vetëm me punë, angazhim dhe pacientët të kënaqur”, thuhet në njoftim.
Latifi gjatë ditës është takuar edhe me përfaqësues të institucioneve turke, ku është njohur edhe me punën e Agjencisë së Barnave dhe Pajisjeve Medicinale. /Gazeta Shneta/
