Në fillim të muajit të kaluar, maj, Tuna solli në jetë djalin e saj të parë, frutin e dashurisë me bashkëshortin Patris Berisha të cilët e pagëzuan me emrin Tian. Edhe pse disi të rezervuar në postimet për vogëlushin e ri të jetës së tyre, si këngëtarja ashtu edhe Patris në çdo postim të rrallë që bënin, tregonin se sa prindër të përkushtuar ishin.
Në shumicën e tyre kemi parë më tepër Patrisin, momentet e të cilit me të birin fiksoheshin në rrjetet sociale nga Tuna, por këtë radhë kjo e fundit ka postuar një foto duke ushqyer Tian-in me gji. Ky veprim deri pak kohë më parë ishte i ndaluar në rrjetet sociale dhe pak minuta pas postimeve nga nënat e reja, fotot fshiheshin nga ‘Instagram’ apo ‘Facebook’ etj automatikisht.
Por, këngëtares nuk i intereson kjo gjë sepse nevojat e vogëlushit janë të parat. ‘Po, jemi duke ushqyer me gji’ shkruan këngëtarja në foton ku të dy duken përballë një pamjeje të adhurueshme./Tetova Sot/
