Ministri i Shëndetësisë Arben Vitia gjatë ditës së djeshme ka njoftuar se e ka nënshkruar Udhëzimin e ri Administrativ për Shkollimin Specialistik. Me këtë UA kandidatët duhet të kenë së paku një vjet përvojë pune në lëmitë përkatëse
Vitia pas nënshkrimit të këtij UA ka deklaruar se janë eliminuar mangësitë nga udhëzimi i vjetër dhe se janë rregulluar kriteret që përcaktojnë shpalljen e konkursit, shkruan Gazeta Shneta.
Gazeta sjellë disa nga ndryshimet që janë bërë në këtë udhëzim, e një prej tyre, përvoja një vjeçare në lëmitë përkatëse për t’u pranuar si specializantë – ka ngritur shqetësimin e mjekëve të rinj.
Në UA-në e ri Anëtarët e Bordit emërohen nga ministri pavarësisht konsultave me institucionet si Fakulteti i Mjekësisë, SHSKUK, IKSHPK apo Odat e profesionistëve shëndetësor. Në UA-në e vjetër këto institucione kanë propozuar nga dy emra ndërsa janë miratuar nga minsitri.
Në UA-në e ri poashtu është vendosur kriter që anëtarët e Bordit duhet të kenë nga tre punime në platformat Ëeb of Science ose Scopus, dy prej të cilave në cilësi të autorit të parë, ose të jenë anëtarë (felloë) në shoqatat ose organizatat e shquara ndërkombëtare dhe të jenë specialistë me përvojë mbi 10-vjeçare.
Ndryshime ka edhe Nenin 7 në emërimin e Komiteteve Specialistike. Në UA-në e ri anëtarët e komiteteve duhet të kenë së paku pesë vjet përvojë si specialistë dhe anëtar i rregullt i Katedrës përkatëse, ose mbi 7 vjet përvojë pune si specialistë dhe doktor shkence.
Në UA-në e vjetër Komiteti Specialistik në Nenin 6, ka pasur të përcaktuar anëtarë me përvojë mbi 10 vjeçare dhe anëtar i rregullt i Katedrës përkatëse, ose në mungesë është emëruar ndonjë anëtar i lëmisë së ndërlidhur.
Në UA-në e ri janë vendosur tre kritere në Nenin 16 për lejimin e shkollimit specialistik i bazuar në: Planin strategjik të burimeve njeëzore në sektorin e shëndetësisë; Kapacitetet njerëzore dhe institucionale në dispozicion; dhe në Konkursin publik. Ndërkaq është hequr pika “Planprogrami i shkollimit specialistik i aprovuar nga Bordi dhe i përpiluar nga komiteti” në UA-në e vjetër.
Në Nenin 17 i cili përcakton kriteret për Pranimin e kandidatëve për shkollimin specialistik, është vendosur përvoja 1 vjeçare e punës në drejtimin përkatës (mjekësi e përgjithshme, stomatologji, farmaci dhe psikologji), si kriter për t’u pranuar në konkurs. Ky kriter do të fillojë së zbatuari një vit pas hyrjes në fuqi të UA-së.
Ndërkaq kriteret tjera të konkursit përcaktohen sipas dispozitave të këtij UA dhe kritereve tjera të pracaktuara nga Bordi.
Kriteri për përvojë një vjeçare për kandidatët për specializim nuk ka qenë në UA-në e vjetër.
Specializantët edhe në këtë UA-në e ri e kanë për detyrë të mbajnë nga dy kujdestari në muaj, ndërsa më shumë se dy sosh mund të paguhen nga institucioni.
Në Nenin 46 tek Dispozitat Kalimtare thuhet se “Për specializantët të cilët kanë filluar shkollimin specialistik para hyrjes në fuqi të këtij Udhëzimi Administrativ zbatohen dispozitat e Udhëzimit Administrativ në kohën e fillimit të shkollimit specialistik”.
Në këtë UA ka edhe gabime sikurse tek Neni 20 paragrafi 1 i cili thotë: “Në rast të mospërmbushjes të obligimit nga neni 19, paragrafi 11…”. Në fakt në Nenin 19 nuk ka fare paragraf me numër 11, duke mbetur kështu e paqartë se cilit nen dhe cilit paragraf i referohet Paragrafi 1 i Nenit 20.
Udhëzimin e ri Administrativ e ka publikuar MSH në wefaqe dhe e gjeni duke klikuar KËTU. /Gazeta Shneta/