Një aksident i rëndë trafiku ka ndodhur sot në fshatin Rogovë, konkretisht në rrugën Gjakovë-Prizren.
Në këtë aksident janë përfshirë dy shoferë të automjeteve, tre pasagjerë dhë dy këmbësorë.
Fatkeqësisht, nga plagët e marra, viktima femër ka ndërruar jetë në QKUK.
“Në aksidentin e ndodhur sot në fshatin Rogovë (rruga Gjakovë-Prizren), fillimisht është raportuar për tre persona të lënduar (dy këmbësorë dhe njëri nga shoferët e automjeteve). Më vonë trajtim mjekësor ju është ofruar edhe katër personave tjerë (tre pasagjerë dhe shoferit të automjetit tjetër) Rreth orës 16:40 jemi njoftuar se njëri nga këmbësorët (viktima femër), e cila ishte duke u trajtuar në QKUK për shkak të lëndimeve të rënda trupore, fatkeqësisht ka ndërruar jetë”- ka zëdhënësi i Policisë për rajonin e Gjakovës, Sheremet Elezaj, për KALLXO.com.
Viktima R.G ishte në përgaditjet për të realizuar ëndrrën e saj, atë të të qenurit mjeke.
Lajmin për këtë e ka konfirmuar rrjeti nga Smart Center, aty ku R.G ishte duke vijuar përgaditjet për Provimin Pranues të Mjekësisë. /Gazeta Shneta/
