Urologu i QKUK-së Liridon Selmani e ka komentuar formimin e Këshillit Ekzekutiv për Shëndetësi nga Qeveria e Kosovës.
Sipas Selmanit kjo është një përpjekje për të mbuluar dështimin e ministrit Rifat Latifi, dhe se më mirë do të ishte të emërohej një ministër më kompetent.
“Me mire te emerohej nje Minister i ri i shendetesise se sa te kamuflohet deshtimi i tij me formim te instancave paralele te institucioneve. Megjithatë uroj që komisioni në fjalë të mos ngel vetëm një plan në letër, por me të vertetë të fillojë ekzekutimin e hapave konkret në drejtim të sanimit të gjendjes edhe ashtu shumë të brishtë”, ka shkruar Selmani.
Lexoni reagimin e plotë:
Më në fund vie një reagim i Qeverisë drejt ndërmarrjes së intervenimeve urgjente në përmirësimin e gjendjes në Shëndetësi.
Duke qenë se MSh kishte dështuar tash sa kohë që të stabilizojë gjendjen dhe nuk kishte realizuar as edhe një projekt konkret – përfundimisht paraqitet një lajm i mirë nga vet Kryeministri.
Nuk jam i sigurtë nëse këto linja paralele të funksionimit janë shembull i mirë dhe efikas në kuptimin e dublifikimit të rolit të institucioneve – pasi tashmë ne kemi një Ministri të Shëndetësisë. Gjithsesi shumë më e lehtë do të ishte të caktohet një ministër tjetër më kompetent, se sa të kamuflohet dështimi i tij me formim të komisioneve shtesë.
Megjithatë uroj që komisioni në fjalë të mos ngel vetëm një plan në letër, por me të vertetë të fillojë ekzekutimin e hapave konkret në drejtim të sanimit të gjendjes edhe ashtu shumë të brishtë…