Qumështi është i nevojshëm për rritjen e fëmijës. Është i vetmi ushqim që e shoqëron fëmijën nga momenti i parë i lindjes dhe deri në një moshë të rritur.
Hulumtimet e fundit tregojnë se dy gota qumësht në ditë për fëmijët i ndihmojnë ata në parandalimin e diabetit. Studimi i Universitetit të Teksasit i referohet veçanërisht fëmijëve obezë pasi janë më të predispozuar për tu prekur nga kjo sëmundje.
Prindërit që kanë fëmijë obezë mundohen që tu heqin atyre disa ushqime që kanë kalori dhe yndyra. Një nga ato është edhe qumështi.
Siç tregohet edhe nga hulumtimi i Universitetit të Teksasit, rezultatet e të cilit u prezantuan në Kongresin Evropian mbi Obezitetin në Vjenë, doli se qumështi është i mirë për fëmijët obezë. Hulumtuesit donin të studionin lidhjen midis qumështit të konsumuar dhe nivelin e diabetit tek fëmijët obezë.
Për ta bërë këtë, ata morën të dhëna nga 171 fëmijë obezë të moshës 11 vjeç. Të dhënat i përkisnin viteve 2008 dhe 2010. Studiuesit analizuan lidhjen mes diabetit dhe konsumimit të qumështit. Në konsideratë u mor edhe sasia dhe lloji i qumështit.
Rezultatet e studimit
Pas analizimit të parametrave të ndryshëm, studiuesit kanë arritur në përfundimin se vetëm 44% e atyre që konsumonin më pak se një filxhan qumësht në ditë kishin mesatarisht 72% më shumë mundësi se ata që pinin të paktën 2 gota qumësht çdo ditë.
Konsumimi i ulët i qumështit tek fëmijët është i lidhur ngushtë me diabetin.