Ushqimet që duhet të shmangni nëse po përdorni antibiotikë

2017-04-07 në ora 10:00

Sipas studimeve mjekësore disa ushqime mund të pengojnë  veprimin e antibiotikëve. Së pari, këto ushqime mund të ndërhyjnë në trup dhe të prishin efektivitetin e antibiotikëve.

Së dyti, ato mund të ngadalësojnë zbrazjen e stomakut dhe për pasojë do të kenë nevojë për një kohë më të gjatë për t’u përthithur nga trupi.

Qumështi dhe nënproduktet e tij:djathi, salca e kosit, gjalpi, akullorja etj nuk duhet të konsumohen nëse jeni duke përdorur antibiotikë.

Kalciumi që është i pranishëm në këto produkte mund të pengojë absorbimin e antibiotikëve në trup, shkruan Shendeti.

Ushqimet e pasura me hekur: është si dhe kalciumi edhe hekuri është i njohur për bllokimin dhe mos absorbimin e antibiotikëve në trup.

Mëlçitë, mishi i kuq, kungulli, arrat, zarzavatet me gjethe jeshile, çokollata e errët duhet të kufizohen gjatë kohës që po përdorni antibiotikë.

Alkooli: alkooli shton efektet anësore të antibiotikëve, përfshikë këtu marramendjen, problemet gastrointestinale etj.

Ushqimet acidike: ushqimet e pasura me acid nuk lejojnë që antibiotikët të bëjnë efektin e duhur në organizëm. /Gazeta Shneta/