Ngjitja në majën më të lartë në botë 8 mijë e 848 metra, Everest, mund të jetë mjaft e vështirë ose e pamundur për shumë njerëz. Uta Ibrahimi është shqiptarja e parë që arriti në këtë lartësi. Ajo ka rrëfyer disa herë për sfidat gjatë ngjitjes, por sot ka bërë publike një detaj që mund ta linte Utën pa e përmbushur ëndrrën e saj. Por ajo nuk u dorëzua!
Në këtë letër Uta ka zbuluar se në ditën kur ka mbërritur në majën Everest, ajo ishte në ditën e dytë të ciklit të saj menstrual. Këtë detaj nuk e kishte folur më parë për shkak të mungesës së diskutimit në shoqërinë tonë për menstruacionet.
“Cikli menstrual është temë që shpesh nuk diskutohet haptas në shoqërinë tonë. Pak a shumë si një çështje tabu. Këtë dukuri e kam kuptuar më së shumti kur jam kthyer nga ngjitja historike në majën më të lartë në botë”, ka shkruar Uta në letrën e saj, shkruan Gazeta Shneta.
“Sa herë që më është bërë pyetja se cila ka qenë sfida kryesore gjatë ngjitjes, patjetër që mendja më ka shkuar tek cikli, por që nuk e kam shpalosur në storje. Ditën e majës kam qenë në ditën e dytë të ciklit dhe pavarësisht se trupi jonë është më i dobët se zakonisht, unë prap kam arritur me u ngjit në maje”.
Në fund të letrës Uta iu është drejtuar grave me një mesazh që cikli nuk duhet të jetë pengesë për realizimin e ëndrrave të tyre. “Besoj që cikli menstrual nuk është diçka që duhet me na ndalu me i arrit qëllimet tona”, ka shkruar ajo. /Gazeta Shneta/