Ndjekja e një diete të pasur me vaj ulliri mund të parandalojë demencën dhe të përmirësojë shëndetin e trurit, sipas një studimi të ri të paraqitur në “NUTRITION 2023”, një takim vjetor për Shoqatën Amerikane rreth Ushqyerjes.
Gatimi ose përgatitja e ushqimeve me vaj ulliri mund të jetë e dobishme, këshillojnë shkencëtarët, të cilët thonë se përbërësi është shumë më i mirë se produktet e tjera, shkruan Health News përcjell Gazeta Shneta.
Ky studim është i pari që shikon se si dieta ndikon në vdekjet e lidhura me demencën.
Duke përdorur pyetësorët dietik dhe të dhënat e vdekjeve nga 90,000 amerikanë, shkencëtarët kërkuan lidhje që mund të ofronin përgjigje konkrete.
“Studimi ynë përforcon udhëzimet dietike që rekomandojnë vajra bimore si vaji i ullirit dhe sugjeron që këto rekomandime jo vetëm që mbështesin shëndetin e zemrës, por potencialisht edhe shëndetin e trurit,” thotë Dr. Anne-Julie Tessier, një studente postdoktorale në Harvard.
“Zgjedhja e vajit të ullirit, një produkt natyral, në vend të yndyrave të tilla si margarina dhe majonezi komercial është një zgjedhje e sigurt dhe mund të zvogëlojë rrezikun e demencës fatale”.
Njerëzit që vuajnë nga demenca mund të luftojnë me kujtesën bazë ose aktivitetet e përditshme.
Alzheimeri, i cili prek 5.7 milionë amerikanë, është një formë e demencës që është fatale.
Rezultatet e studimit tregojnë se njerëzit që konsumonin gjysmë luge vaj ulliri në ditë kishin 28% më pak rrezik për të vdekur nga demenca.
Në fakt, shkencëtarët zbuluan se nëse dikush zëvendësonte margarinën ose majonezën me vaj ulliri, ata kishin një shans 8% deri në 14% më të ulët për të vdekur nga demenca.
Vaji i ullirit gjithashtu ka komponime antioksidante që mund të përfitojnë trurin, si dhe shëndetin kardiovaskular. /Gazeta Shneta/