Një vajzë ka mbajtur muaj unazën e fejesës pa e kuptuar pasi i dashuri i saj ia fshehu në një gjerdan të punuar me dorë.
Terry nga Australia, i cili vendosi të mos e publikonte mbiemrin, e kishte fshehur unazën me diamant brenda një gjerdani të thjeshtë prej druri pishe të cilën ai e bëri vetë dhe ia dhuroi të dashurës së tij Anna për 1 vjetorin e lidhjes në 2015.
Çifiti kaloi një vit e gjysëm të tjera me njëri-tjetrin deri sa Terry vendosi se ishte më në fund koha për bërë pyetjen nëse ajo dëshironte të martohej me të.
Pasi postuan një montazh të fotove dhe historinë e tyre në Youtube ai ka thënë: “Ne udhëtuam në shellën Smoo në Skoci, një vend që donim ta vizitonim që kur u lidhëm.”
Terry shpjegon se vendosi aparatin me kohë matëse në një trekëmbësh me pretekstin për të bërë një foto në shpellë.
“Unë i kisha kërkuar pak më parë që të ma jepte hua gjerdanin për një moment. Sapo arritëm tek shpella e mora nga xhepi im, u gjunjëzova, hapa gjerdanin dhe nxorra unazën e cila ishte fshehur brenda gjithë kohës.”
Kur ai hapi gjerdanin Anna e tronditur tha menjëherë “po” përpara se të shtonte: “Por unë mund ta kisha humbur atë idiot.”
/oranews.tv/