Një pjesë e shumë vaksinave eksperimentale kundër Covid-19 u testuan tek njerëzit dhe kjo arriti pengesën e fundit dhe më të madhën.
AstraZeneca njoftoi të hënën se vaksina e parë ka hyrë në fazën e fundit të testimit në SHBA kurse kompania me bazë në Angli tha se studimi do të përfshijë deri në 30,000 të rritur, transmeton Gazeta Shneta.
Kurse dy vaksina tjera filluan testimin përfundimtar në këtë verë në dhjetëra mijëra njerëz në SHBA, një u krijua nga Instituti Kombëtar i Shëndetit dhe prodhuar nga Moderna Inc dhe tjetri i zhvilluar nga Pfizer Inc dhe BioNtech i Gjermanisë.
“Nëse vetëm një vaksinë hyn në fazën përfundimtare të provave tetë muaj pasi zbulohet një virus do të ishte një arritje e jashtëzakonshme, kurse të kesh tri vaksina deri në këtë pikë është më shumë se e jashtëzakonshme”, tha Sekretari i Shëndetit dhe Shërbimeve Njerëzore Alex Azar në një deklaratë.
Drejtori i NIH, Francis Collins, shkroi në Twitter se agjensia e tij po mbështet disa prova vaksinash pasi që mund të nevojiten më shumë se një.
Zhvillimi i vaksinës, i njohur si AZD1222, po tregon rezultate të mira globalisht me provat e fazës së fundit në Britani të Madhe, Brazil dhe Afrikën e Jugut. Provat e mëtejme janë planifikuar në Japoni dhe Rusi. Kjo vaksinë u shpik nga Universiteti i Oksfordit.
Por, sipas shkencëtarëve vaksinat e para që dalin ndoshta nuk do të jenë vaksinat më të mira. Sipas tyre, nuk ka asnjë garanci që ndonjë nga vaksinat do të ecë përpara sepse këto vaksina do t’u jepen njerëzve të shëndetshëm. Testimi përfundimtar, theksojnë ekspertët, duhet të jetë në një numër të madh njerëzit për të ditur nëse janë mjaft të sigurt për vaksinat masive.
Sipas tyre, shumica e kandidatëve po testohen me nga dy doza dhe kjo po merr kohë derisa po fitohet një përgjigje se si vaksina po funksionon. Në anën tjetër, ekspertët po vëzhgojnë nga afër zhvillimin e disa alternativave për të krijuar vaksina në formë të spërkatjes në hundë në mënyrë që të filloj testimi tek njerëzit gjatë këtij viti. /GazetaShneta/