Të rriturit mbi 50 vjeç mund të mbrohen nga herpesi, një infeksion viral që shkakton një skuqje shumë të dhimbshme që më pas formon flluska, përmes vaksinës kundër herpesit. Sipas studimeve të mëparshme, kjo vaksinë mund të ndihmojë në uljen e rrezikut për demencë dhe sëmundje të zemrës.
Një studim i ri ka gjetur se vaksina kundër herpesit mund të zvogëlojë rrezikun e zhvillimit të demencës vaskulare dhe ngjarjeve kardiovaskulare, si mpiksja e gjakut, sulmet në zemër dhe goditjet në tru.
Sipas vlerësimeve të studiuesve, gjatë jetës së tyre, një në tre persona do të preket nga herpes, shkruan burimi Medical News Today transmeton Gazeta Shneta.
Që nga viti 2006, të moshuarit mund të mbrohen nga kjo sëmundje duke marrë vaksinën kundër herpesit. Qendrat për Kontrollin dhe Parandalimin e Sëmundjeve në SHBA (CDC) rekomandojnë që të gjithë të rriturit mbi 50 vjeç të marrin dy doza të vaksinës.
Studimet e mëparshme kanë treguar gjithashtu se vaksina mund të ketë përfitime shtesë shëndetësore.
Për shembull, një studim i publikuar në maj 2025 tregoi se vaksina mund të ulë rrezikun e ngjarjeve kardiovaskulare me 23%, ndërsa një tjetër studim i publikuar në prill 2025 sugjeroi se vaksina mund të ulë rrezikun e demencës deri në 20%.
Studimi më i ri, i prezantuar në ‘IDWeek 2025’, ofron prova të mëtejshme se vaksina kundër herpesit mund të ndihmojë në reduktimin e rrezikut për demencë vaskulare dhe probleme të tjera kardiovaskulare, duke nënvizuar rëndësinë e vaksinimit për të rriturit mbi 50 vjeç. /Gazeta Shneta/