Vaksinimi është shumë efektiv në parandalimin e rasteve të rënda të COVID-19, madje edhe kundër variantit Delta, ka treguar një studim i gjerë në Francë.
Hulumtimi i botuar të hënën – duke u përqëndruar në parandalimin e COVID -it të rëndë dhe vdekjes – shikoi 22 milionë njerëz mbi 50 vjeç të imunizuar dhe u zbulua se ata që kishin marrë vaksinën – kishin 90 për qind më pak gjasa të shtroheshin në spital ose të vdisnin, shkruan MedicalxPress përcjell Gazeta Shneta.
Rezultatet konfirmojnë vëzhgimet nga SHBA, Britania e Madhe dhe Izraeli, por studiuesit thonë se është studimi më i madh i këtij lloji deri më tani.
Duke parë të dhënat e mbledhura – duke filluar nga muaji dhjetor 2020, kur Franca filloi fushatën e saj të programit masiv të vaksinimit, studiuesit krahasojnë rezultatet e 11 milion njerëzve të vaksinuar me 11 milion subjekte të pavaksinuar.
Ata formuan çifte që përputheshin me një individ të pavaksinuar me një homolog të vaksinuar nga i njëjti rajon dhe të së njëjtës moshë dhe gjini, duke i përcjellë ato nga data e dozës së dytë të personit të vaksinuar deri më 20 korrik.
Duke filluar 14 ditë pas një doze të dytë, rreziku i subjekteve të vaksinuar për COVID të rëndë u zvogëlua me 90 përqind, sipas hulumtimit të kryer nga Epi-Phare, një grup i pavarur kërkimor për sigurinë e barnave që punoi me qeverinë franceze.
Vaksinimi duket të jetë po aq efektiv kundër variantit Delta, me 84 përqind mbrojtje për njerëzit 75 vjeç e sipër dhe 92 përqind për njerëzit 50-75 vjeç.
Ndër të tjera, ky studimi mbulon vaksinimin me tipet Pfizer/BioNtech, Moderna dhe AstraZeneca, por jo vaksinën Jannsen i cili u autorizua shumë më vonë dhe përdoret shumë më pak në Francë. /Gazeta Shneta/