Një rishikim i më shumë se 245,000 dozave të vaksinave me bazë ARNm kundër COVID-19, të administruara tek fëmijëve e vegjël (shumica prej tyre të moshës 4 vjeç e sipër) nuk gjeti indikacione për efekte anësore serioze.
Studimi, i botuar më 6 qershor në revistën “Pediatrics”, u drejtua nga Divizioni Kërkimor Kaiser Permanente në partneritet me Qendrat për Kontrollin dhe Parandalimin e Sëmundjeve (CDC), shkruan Medical Xpress përcjell Gazeta Shneta.
Të dhënat erdhën nga Vaccine Safety Datalink, i cili mbledh informacion mjekësor të pacientëve nga 8 sisteme shëndetësore (5 rajone Kaiser Permanente së bashku me klinikën Marshfield në Wisconsin, HealthPartners në Minneapolis dhe Denver Health në Kolorado).
Studiuesit ekzaminuan të dhënat e pacientëve nga qershori 2022 deri në mars 2023 për të dy vaksinat Pfizer dhe Moderna.
E rëndësishmja, nuk kishte asnjë indikacion të inflamacionit të zemrës të quajtur miokardit tek fëmijët e vegjël të vaksinuar, tha autori kryesor Kristin Goddard, menaxheri i projektit kërkimor me Qendrën e Studimit të Vaksinave Kaiser Permanente.
“Ne nuk kemi parë ndonjë miokardit ose perikardit në këtë grupmoshë më të re, gjë që është shumë qetësuese,” tha Goddard.
Miokarditi është shfaqur si një efekt anësor i rrallë i vaksinimit kundër COVID-19, kryesisht tek meshkujt adoleshentë ose të rinj.
Ndërkohë, CDC raportoi më parë për efekte anësore të lehta nga imunizimi, të tilla si dhimbje në krahë ose ethe të shkurtra.
“Prindërit mund të sigurohen se ky studim i madh nuk gjeti efekte anësore serioze nga vaksinat me bazë ARNm,” tha autore e studimit, Dr. Nicola Klein.
“Prindërit mund t’i mbrojnë fëmijët e tyre të vegjël nga COVID-19 në të njëjtën mënyrë që i vaksinojnë fëmijët e tyre për të mbrojtur nga sëmundje të tjera të rënda të fëmijërisë”. /Gazeta Shneta/