Psikologët klinik kanë vazhduar me protestën e tyre para ndërtesës së administratës së SHSKUK-së.
Dy specialistët e psikologjisë klinike Visar Sadiku dhe Imri Zabeli kanë qëndruar sot para zyreve të SHSKUK-së për një orë në shenj proteste për anulimin e konkursit siç e quajnë ata “konkurs të fushatës”, shkruan Gazeta Shneta.
“Dita e dyte, protesta vazhdon dhe do te vazhdoj deri ne permbushjen e qellimeve te specialisteve te psikologjise klinike…punesimi yne”, kanë shkruar ata në Facebook.
Kujtojmë se konkursi i publikuar nga QKUK për dy pozita të lira për psikolog klinik ka shkaktuar pakënaqësi tek dhjetëra specialistë të kësaj fushe pasi në konkurs nuk kërkohej specializimi. Ata kanë ngritur dyshime se prapa konkursit qëndrojnë kandidatë për deputetë që iu kanë premtuar punësime militantëve të tyre.
Ndërkaq QKUK ka njoftuar se ka ndryshuar kriteret duke hapur rrugë për kandidim edhe për specialistët, ndërkaq koeficienti ka mbetur i njëjtë. /Gazeta Shneta/