Ka reaguar edhe Sindikata e Infermierëve, Mamive dhe Profesionistëve tjerë shëndetësor lidhur me propozimin e Odës së Infermeirëve që koeficienti të përcaktohet sipas gradës së shkollimit
Kryesia e Sindikatës së Infermierëve e ka kundërshtuar ashpër këtë propozim duke e quajtur manipulim për interesa të individëve të caktuar, shkruan Gazeta Shneta.
“Këshillojmë infermierët, mamitë dhe profesionistët tjerë shëndetësor që mos të bien pre e dezinformatave, manipulimeve dhe mashtrimeve dhe interesave personale të individëve të caktuar, meqë kemi vërejtë disa tentativa kohën e fundit”, thuhet në reagimin e sindikatës.
Sindikalistët thonë se kërkesa e tyre e adresuar edhe tek institucionet, është që koeficienti 3.2 të vendoset për të gjitha kategoritë e infermierëve, mamive dhe profesionistëve tjerë.
Reagimi i plotë:
Për hirë të korrektësisë, njoftojmë të gjithë infermieret që në këtë kohe jemi kundër çdo dallimi në koeficient të pagave. Ne jemi që të bëhet kategorizimi dhe të ndahen përgjegjësitë, mirëpo tani nuk është mundësia sepse këtë na e ndalon Ligji i Pagave, Neni 3, poashtu secilën kërkesë që e kemi bërë deri më tani, në Komisionin parlamentarë për Shëndetësi dhe së fundi edhe te Avokati i Popullit kemi kërkuar koeficientin e barabart 3.2 për të gjithë infermierët, mamitë dhe profesionistët tjerë shëndetësorë.
Sindikata e Infermirëve, mamive dhe profesionistëve tjerë shëndetësor, konsideron si prioritet ngritjen e koeficientit në 3.2 bazuar në Ligjin e Pagave,Neni 3 i cili thotë që për punën, funkcionin, detyrën apo graden e njejtë, pagë e njejtë, sepse ky ligj është për rreth 85 mijë shërbyes civil dhe si i tillë është e pamundur që të ndryshohet ai nen.
Ne do të vazhdojmë fuçishëm ta shtyjmë përpara kërkesën tonë për koeficient 3.2, poashtu edhe kërkesat tjera siç janë pagesa për vikende, për orët shtesë, për rrezikshmëri, për ndrrimet e natës si dhe pagat jubilare.
Këshillojmë infermierët, mamitë dhe profesionistët tjerë shëndetësor që mos të bien pre e dezinformatave, manipulimeve dhe mashtrimeve dhe interesave personale të individëve të caktuar, meqë kemi vërejtë disa tentativa kohën e fundit.
Me respekt
Kryesia e SHSIMP