Nga tragjedia që ndodhi të dielën në aksidentin rrugor Velipojë Shkodër u nda nga jeta edhe vajza e fundit e familjes Preka, 10 vjeçarja Noemi morri frymë për herë të fundit.
Pas 4 ditësh të qëndrimit në koma, Noemi Preka ka vdekur, duke u bërë kështu viktima e katërt e aksidentit të mbrëmjes së ditës së dielë, së bashku me babain e saj Edmond Preka, motrën 5 vjeçare dhe vëllain… vetëm 8 muajsh.
Noemi jetonte prej thuajse 4 ditësh falë aparaturave, por kjo e mërkurë ka qenë dhe dita e fundit për rrahjet e zemrës së vogëlushes, e cila largohet tragjikisht nga kjo botë.
Pak minuta më parë ishte halla e saj, e cila përmes një postimi në rrjetin social do t’i kërkonte kujtdo që të lutej për të, por fatkeqësisht, tashmë lutjet do të kryhen që ajo të prehet në paqe.
Tashmë e vetmja që ka mbetur gjallë nga familja Preka është gruaja e Edmondit, nëna e fëmijëve që fatkeqësisht nuk janë më./Gazeta Shneta