Vonesat e shpeshta shpesh lidhen me mungesë organizimi, por për disa persona ato janë pjesë e një vështirësie të njohur si “time blindness” (verbëria ndaj kohës), një tipar i dokumentuar i çrregullimit të deficitit të vëmendjes dhe hiperaktivitetit (ADHD).
“Time blindness” nënkupton vështirësi në vlerësimin se sa kohë merr një detyrë ose sa kohë ka kaluar. Ekspertët thonë se kjo lidhet me funksionet ekzekutive të trurit dhe mund të ndikojë ndjeshëm në punë, shkollë, financa dhe marrëdhënie shoqërore te personat me ADHD.
Megjithatë, specialistët theksojnë se jo çdo person që vonohet ka ADHD, dhe kjo nuk përbën automatikisht justifikim për sjelljen.
“Çdokush mund të vonohet herë pas here, por te ADHD kemi dëmtim funksional real,” shpjegojnë psikoterapistët.
Studimet tregojnë se medikamentet stimulante për ADHD mund të ndihmojnë edhe në uljen e verbërisë ndaj kohës, ndërsa strategji praktike si përdorimi i orëve inteligjente, ndarja e detyrave në hapa më të vegjël dhe shmangia e mbingarkesës me angazhime mund të jenë të dobishme për këdo.
Ekspertët nënvizojnë se, pavarësisht shkakut, njerëzit mbeten përgjegjës për ndikimin e vonesave te të tjerët, por me mjete të duhura, menaxhimi i kohës mund të përmirësohet ndjeshëm.