Lëvizja Vetëvendosje ka siguruar 51 ulëse në Kuvendin e Kosovës, ndërsa numërimi i votave po vazhdon. Sipas të dhënave të fundit të Komisionit Qendror të Zgjedhjeve, LVV ka marrë 326,467 vota apo 44.64 për qind të votave të numëruara deri më tani.
Nga 2,691 vendvotime, janë numëruar 2,458, përfshirë edhe votat nga përfaqësitë diplomatike, përcjell Gazeta Shneta.
Sipas rezultateve aktuale, PDK ka 23 ulëse, LDK 19 ulëse, ndërsa AAK 7 ulëse.
Procesi i numërimit vazhdon dhe rezultatet mund të pësojnë ndryshime deri në certifikimin përfundimtar të tyre.