Drejtori i Klinikës së Neonatologjisë në QKUK Dr. Xhevdet Gojnovci ka treguar gjendjen e foshnjës një muajshe e cila u konfirmua pozitive me Covid-19.
Foshnja është duke u trajtuar në klinikë ndaras nga nëna e cila poashtu ka rezultuar pozitive me Covid, shkruan Gazeta Shneta.
Gojnovci ka treguar se foshnja është vendosur në një hapësirë ndaras nga bebet tjera në intensivën e klinikës dhe gjendja e saj është stabile dhe nuk ka probleme me frymëmarrje.
“Foshnja është pranuar para dy ditësh dhe ka pasur temperaturë. Ajo ka ardhur së bashku me nënën e saj, familja e së cilës është diagnostifikuar me koronavirus. Ndërsa më vonë ne kemi bërë testin për nënën dhe foshnjën dhe të dyja kanë rezultuar pozitiv. Gjendja e foshnjës është në gjendje stabile, ndërsa nuk ka probleme me frymëmarrje. Ajo është në kujdes intensiv në Klinikën e Neonatologjisë. Në klinikën tonë e kemi caktuar një hapsirë për foshnje të cilat mund të diagnostifikohen me koronavirus”, ka deklaruar Gojnovci.
Kujtojmë se në Kosovë deri më tani janë shënuar 4.307 pozitive me Covid-19, ndërsa kanë vdekur të paktën 94 persona. /Gazeta Shneta/