Ministri i Shëndetësisë Arben Vitia dhe deputeti i PDK-së Bekim Haxhiu kanë ironizuar ndaj njëri-tjetrit me titujt profesional e akademik.
Ishte Vitia i cili iu drejtua fillimisht Haxhiut me titullin Profesor Doktor i Fizioterapisë në përgjigjen e tij.
Ndërkaq më pas Haxhiu i ka thënë ministrit Vitia se që 18 vite nuk ka qenë në gjendje ta kryejë një specializim.
‘I nderuar doktor i përgjithshëm, kandidat për specializim qe 18 vite, kërkova një përgjigje. Çka me thanë z.Vitia qe 18 vjet një specializim s’ke qenë në gjendje me kry. Uroj të punosh në sektorin privat më shumë…”, tha Haxhiu në fjalën e tij.
Pas kësaj nuk reagoi Vitia por kryetari i Kuvendit, Glauk Konjufca, i cili shkaktoi të qeshura duke i thënë ministrit se pse nuk e ka kryer doktoraturën si deputeti.
“Ministër, pse nuk e ke krye doktoraturën si Bekimi edhe ti?” tha ai dhe deputetët shpërthyen në të qeshura.