Ministri i Shëndetësisë Dr. Arben Vitia ka folur në emisionin Rubikon në Klan Kosova për ardhjen e mjekëve dhe infermierëve serbë në Kosovë.
Vitia ka thënë se ekziston një mirëkuptim nga të gjitha vendet që kur ka nevojë për ndihmë për secilin qytetarë të Kosovës të mundësohet monitorimi i tyre nga mjekët serbë.
“Edhe më herët kanë ardhur mjekë nga Serbia. Ata do të vijnë të monitorojnë situatën, por asnjëri nga këta nuk do të mund të ushtrojnë profesionin sepse nëse punësohen atëherë duhet të licencohen tek odat e profesionistëve shëndetësorë”, ka deklaruar Vitia.
Për këtë çështje sot ka reaguar Oda e Mjekëve të Kosovës të cilët e kanë konsideruar si cenim të sistemit shëndetësorë dhe dinjitetit të mjekëve të Kosovës. /Gazeta Shneta/
