Ministri i Shëndetësisë së Kosovës, Dr. Arben Vitia, ka njoftuar se ka filluar programi i vaksinimit të rregullt të vajzave të moshës 12 vjeçare kundër Human Papilloma Virusit (HPV).
Vitia përmes një komunikate në faqen personale të medias sociale Facebook ka bërë të ditur se nga dikasteri që ai e drejton kanë arritur të sigurojnë mbi 15 mijë doza të vaksinës kundër HPV, përcjell Gazeta Shneta.
Mes tjerash, Vitia ka potencuar që ekipet e vaksinimit të Kujdesit Parësor Shëndetësor po kryejnë procesin e vaksinimit në shkolla në të gjitha komunat, nën mbikqyrjen e Institutit Kombëtar të Shëndetësisë Publike (IKSHPK).
“Kanceri i qafës së mitrës është një sëmundje serioze. Vaksina kundër HPV parandalon në më shumë se 90% të rasteve kancerin e qafës së mitrës. Është masë preventive efikase për jetën dhe shëndetin e vajzave e grave”, ka shkruar ndër të tjera Vitia.
“Kujdesemi sot për të ardhmen, jetën e shëndetin e vajzave. Ju bëj apel prindërve dhe mësuesve që të lehtësojnë vaksinimin masiv!” ka përfunduar ai.
Komunikata e plotë e ministrit Vitia:
💉Filloi vaksinimi i rregullt i vajzave të moshës 12 vjeçare me vaksinën kundër Human Papilloma Virusit – shkaktarit kryesor të kancerit të qafës së mitrës
✅ Mbi 15 mijë doza të vaksinës i siguruam.
Vaksina e siguruar është më cilësorja e me më së paku efekte anësore.
🔹 Ekipet e vaksinimit të Kujdesit Parësor Shëndetësor po kryejnë dhe do të kryejnë vaksinimin në shkolla në të gjitha komunat, nën mbikqyrjen e Institutit Kombëtar të Shëndetësisë Publike.
🔸Kanceri i qafës së mitrës është një sëmundje serioze. Vaksina kundër HPV parandalon në më shumë se 90% të rasteve kancerin e qafës së mitrës. Është masë preventive efikase për jetën dhe shëndetin e vajzave e grave.
🔹Me vendim të Ministrisë së Shëndetësisë, e vendosëm këtë vaksinë në Kalendarin e rregullt të vaksinimit në 2023.
Kujdesemi sot për të ardhmen, jetën e shëndetin e vajzave.
Ju bëj apel prindërve dhe mësuesve që të lehtësojnë vaksinimin masiv!