Ministri Arben Vitia ka njoftuar se e ka nënshkruar kontratën me vlerë 24 milionë Euro për vazhdimin e punimeve në objektin e ri të Spitalit te Ferizajt.
“Kam nënshkruar kontratën për vazhdimin e punimeve në Spitalin e Ferizajt. Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro”, ka shkruar Vitia.
Tender me titull “Ndërtimin e Objektit te Spitalit te përgjithshëm ne Ferizaj – vazhdim projekti” kap vlerën prej 23,992,180.83.
Tenderi i është dhënë Grupit të Operatorëve Ekonomik “ADA CONSULTING GROUP SH.P.K.”; “SHM Architecture SH.P.K.”; “Termo Consing SH.P.K.”.
Tenderi ishte iniciuar në gusht të vitit të kaluar, por ishte vonuar për shkak të ankesave në Organin Shqyrtues të Prokurimit Publik. /Gazeta Shneta/
