Ministri i Shëndetësisë Arben Vitia ka nënshkruar sot Udhëzimin e ri Administrativ për Shkollim Specialistik.
Vitia ka thënë se me këtë UA të ri janë eliminuar mangësitë e deritanimshme në procesin e specializimeve.
Ai ka njoftuar se me UA-në e ri numri i pozitave në konkursin për specializime do të bazohet në tri kritere: kuadri deficitar, kapacitetet mentoriale dhe kapacitetet në infrastrukturë.
“Me hyrjen në fuqi pres rekomandimin nga Bordi për shkollim specialistik për iniciimin e proceduarve për hapjen e specializimeve të reja”, ka deklaruar Vitia.
Postimi i plotë:
Sot nënshkrova Udhëzimin e ri Administrativ për Shkollim Specialistik.
Me këtë i hapet rrugë konkursit për programin e specializimeve në vendin tonë.
Mjeket e mjekët e rinj do të kenë tani e tutje një program me tjetër dinamikë e cilësi.
Presim që për çdo vit të përmirësohen rezultatet dhe efikasiteti i programit në tërësi.
Akti i ri eleminon mangësitë e deritanishme dhe rregullon përgjegjësitë e specializantëve në raport me kontratat.
Me hyrjen në fuqi pres rekomandimin nga Bordi për shkollim specialistik për iniciimin e proceduarve për hapjen e specializimeve të reja.
Numri i specializimeve do të mbështetet në këto kritere:
- Kuadri deficitar
- Kapacitetet Mentoriale
- Kapacitetet Infrastrukturore.
Suksese së shpejti specializantëve të rinj!