Ministri i Shëndetësisë Dr. Arben Vitia, ka pritur sot në takim ambasadorin italian në Kosovë Nicola Orlando.
Në njoftimin për media nuk bëhen të ditur shumë detaje nga takimi, por thuhet se është biseduar për nevojën e vazhdimit të bashkëpunimit dhe investimeve në fushën e shëndetësisë, transmeton Gazeta Shneta.
Njoftimi i plotë:
Në këtë takim u bisedua për bashkëpunimin në shëndetësi përmes vazhdimit të projekteve mbështetëse, duke u bazuar në nevojat e sistemit shëndetësor në Kosovë.
Ministri Vitia falënderoi përmes Ambasadorit Orlando shtetin e Italisë për projektet e deritanishme të realizuara në shëndetësinë e Kosovës.
Bashkëbiseduesit kanë theksuar nevojën që të gjitha projektet e ardhshme të koordinohen, investimet të jenë efektive që të ndikojnë në ngritjen e kompetencës profesionale për profesionistët shëndetësor në Kosovë, me qëllim që qytetarëve t’u sigurohen shërbime korrekte shëndetësore, cilësore dhe të sigurta.