Ministri i Shëndetësisë Dr. Arben Vitia ka njoftuar se Bashkimi Evropian sot do ta nënshkruaj kontratën për ndihmë në vlerë 5 milionë euro për Kosovën luftimin e koronavirusit.
Vitia ka njoftuar se shefja e Zyrës së BE-së në Kosovë Nataliya Apostolova do ta nënshkruaj kontratën në praninë e kryeministrit Albin Kurti. Në këtë kontingjent prej 5 milionë euro do të vijnë pajisje dhe materiale të ndryshme për stafin mjekësor, transmeton Gazeta Shneta.
Njoftimi i plotë nga ministri Vitia:
Bashkimi Evropian nënshkruan sot kontratën e ndihmës prej 5 milion eurosh për Kosovën për luftimin e COVID-19
Shkelqësia e saj Nataliya Apostolova, Shefja e Zyrës së BE-së në Kosovë/Përfaqësuese e Posaçme e BE-së, do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. Ceremonia e sotshme e nënshkrimit do të transmetohet drejtpërdrejt në orën 17:00 në Facebook përmes faqes së BE-së në Kosovë (@EuropeanUnionInKosovo)
Kontrata do të përfshijë furnizimin me pajisje mjekësore dhe mjete për mbrojtjen nga COVID-19 dhe trajtimin e tij, për nevojat e Qendrës Klinike Universitare në Prishtinë. Pajisjet përfshijnë barna, respiratorë/ventilatorë, pompa infuzioni dhe pompa infuzioni shiringë, auto-ambulanca, oksimetër pulsi në gisht dhe oksimetër pulsi, monitorues të pacientëve, defibrilatorë, elektrokardiografë.
Eventi do të zhvillohet në prani të Kryeministrit, Albin Kurti.