Në Klinikën e Gjinekologjisë në QKUK ka ardhur në jetë foshnja e parë për vitin 2020.
Nëna nga Podujeva Donjeta Berisha ka sjellë në jetë fëmijën e parë për këtë vit.
Këtë e ka bërë të ditur për Gazetën Shneta gjinekologu kujdestar Dr. Naser Rafuna. Ai ka treguar se fëmija i parë për këtë vit është i gjinisë mashkullore.
Foshnja ka lindur me peshë 3300 gram dhe gjatësi 54 cm. “Foshnja dhe nëna janë në gjendje të mirë shëndetësore”, ka deklaruar Rafuna për Gazetën Shneta.