Sëmundja e Alzheimerit dhe demencat e lidhura me të janë çrregullime komplekse për të cilat aktualisht nuk ka kurë.
Ekspertët janë të interesuar të kuptojnë lidhjen mes mënyrës se si gjumi mund të ndikojë në sëmundjen e Alzheimerit, raporton Medical News Today përcjell Gazeta Shneta.
Një studim sugjeron se vonesa në arritjen në fazën e gjumit me lëvizje të shpejta të syve (REM) është e lidhur me biomarkues të sëmundjes së Alzheimerit.
Faza REM (Rapid Eye Movement) është një fazë e veçantë e gjumit, e karakterizuar nga lëvizje të shpejta të syve, aktivitet të lartë të trurit dhe ëndrra të gjalla.
Gjatë kësaj faze, truri është shumë aktiv, por muskujt e trupit janë të shtrirë dhe të paralizuar, që pengon që trupi të veprojë sipas ëndrrave.
Faza REM është e rëndësishme për proceset e kujtesës dhe ripërtëritjes mendore, dhe shpesh ndodhin ëndrra të forta gjatë saj. Një cikël i plotë gjumi përfshin disa faza REM, që zakonisht ndodhin çdo 90 minuta gjatë natës.
Gjumi është thelbësor për mirëqenien fizike dhe mendore. Ekspertët janë të interesuar të kuptojnë se si gjumi mund të ndikojë ose të ndikohet nga kushte të caktuara, si demenca.
Një studim i botuar në “Alzheimer’s & Dementia: The Journal of the Alzheimer’s Association” shqyrtoi si kohëzgjatja për të arritur në fazën REM të gjumit është e lidhur me sëmundjen e Alzheimerit.
Studimi tregoi se vonesa në arritjen në fazën e gjumit REM ishte e lidhur me biomarkues të rëndësishëm plazmatikë që kanë lidhje me sëmundjen e Alzheimerit. /Gazeta Shneta/