Një studim i fundit nga Universiteti i Ohio State Wexner Medical Center hedh dritë mbi një mister të gjatë mjekësor: pse gratë kanë tendencë të kenë rrahje më të shpejta të zemrës, ndërsa burrat janë më të prirur për ritme të çrregullta si fibrilacioni atrial (AFib).
Studiuesit zbuluan se nyja sinoatriale (SAN), pacemaker-i natyral i zemrës që kontrollon ritmin e saj, funksionon ndryshe tek meshkujt dhe femrat për shkak të ndryshimeve në aktivitetin gjenetik.
Gratë kanë gene që përshpejtojnë rrahjet e zemrës, duke rritur shanset për një ritëm më të shpejtë, ndërsa në zemrat e burrave janë aktivizuar rrjete gjenesh që lidhen me inflamacionin dhe prodhimin e kolagjenit, faktorë që mund të çojnë në çrregullime të ritmit si blloket konduktive dhe AFib.
Këto ndryshime molekulare u zbuluan pas analizimit të zemrave të dhuruara për kërkim nga familjet e donatorëve, shkruan MedicalXpress transmeton Gazeta Shneta.
Zbulimi është i rëndësishëm sepse mund të shërbejë si bazë për zhvillimin e trajtimeve më të personalizuara për sëmundjet e zemrës, duke marrë parasysh ndryshimet biologjike midis gjinive.
Kjo qasje mund të përmirësojë ndjeshëm menaxhimin dhe parandalimin e çrregullimeve të ritmit kardiak, të cilat përfshijnë miliona njerëz globalisht. Studiuesit theksojnë se testi dhe trajtimi i sëmundjeve të zemrës duhet të adaptohen më shumë në varësi të seksit për të maksimizuar efektivitetin dhe cilësinë e jetës së pacientëve./GazetaShneta/