Kanceri i kolonit është një nga kanceret më të rrezikshme që prek gratë, por shpesh ato i ngatërrojnë simptomat me probleme të zakonshme të tretjes ose ndryshime hormonale të menopauzës.
Zbulimi i hershëm është shumë i rëndësishëm, pasi mund të ofrojë mundësi më të shumta trajtimi, përfshirë operacione minimale dhe rikuperim më të shpejtë. Gratë mund të jenë më të prirura të injorojnë simptomat, duke i lidhur ato me dietën, stresin apo ndryshimet hormonale, shkruan HealthDay transmeton Gazeta Shneta.
Disa faktorë që rrisin rrezikun për kancerin e kolonit tek gratë përfshijnë moshën mbi 50 vjeç, historinë familjare të kancerit të kolonit, konsumimin e tepërt të mishit të kuq dhe të përpunuar, pirjen e duhanit, alkoolin dhe mungesën e aktivitetit fizik. Simptomat që duhet të vihen re përfshijnë ndryshime të vazhdueshme në zakonet e jashtëqitjes (diarre, kapsllëk), gjakderdhje rektale, dhimbje abdominale, humbje peshe të paqartë, lodhje të vazhdueshme dhe anemi.
Zbulimi i hershëm mund të përmirësojë ndjeshëm shanset për mbijetesë. Task Forca e Shërbimeve Parandaluesë të Shëndetit të SHBA-së rekomandon që gratë të bëjnë kontrolle rutinë për kancerin e kolonit nga mosha 45 vjeç, ndërsa ato me histori familjare ose faktorë rreziku duhet të bëjnë screening më herët.