Një analizë e përmbledhur e të dhënave nga mbi 93 studime klinike dhe më shumë se 11,000 pacientë ka identifikuar trajtimet më të mira për urtikarien kronike, gjendjen që shkakton kruarje dhe ënjtje të bezdisshme në lëkurë.
Sipas raportit të publikuar në Journal of Allergy and Clinical Immunology, dy trajtimet më efektive dhe të sigurta janë ilaçi injektues omalizumab dhe pilula në pritje për miratim, remibrutinib.
Omalizumab ndalon veprimin e antitrupit që shkakton reaksione alergjike, ndërsa remibrutinib bllokon lëshimin e histaminës, substancës përgjegjëse për simptomat, shkruan HealthDay transmeton Gazeta Shneta.
Gjithashtu, ilaçi injektues dupilumab ka treguar rezultate premtuese në reduktimin e simptomave të urtikarise.
Nga ana tjetër, ilaçi më i lirë dhe i përdorur prej kohësh, cyclosporine, është efektiv, por paraqet rrezik më të lartë për efekte anësore serioze si dëmtimi i veshkave dhe presioni i lartë i gjakut.
Këto gjetje do të përdoren për të përgatitur udhëzime të reja ndërkombëtare, duke u dhënë pacientëve dhe mjekëve një listë të bazuar në prova për trajtimet më të mira të urtikarise kronike./Gazeta Shneta/