Ish Ministri i Shëndetësisë, Armend Zemaj, ka reaguar ndaj ministrit aktual të Ministrisë së Shëndetësisë, Rifat Latifi, pasi ky i fundit tha se ka pasur mungesë të konkursit për shkollim specialistik për anesteziologët që nga viti 2016.
““Ministri i Ministrit të ri të Shëndetësisë Kurti”, po të tregoj se në vitin 2020 kanë marrë specializim për anesteziologë, 44 mjekë të rinj, ku shkollimin e kanë filluar 40 nga ta”, ka shkruar Zemaj.
Deputeti i LDK-së ka vlerësuar se pushteti aktual është i paaftë e mashtrues ” nga mos përkrahja për këta mjek, me ndalje të pagesave të kujdestarive, me ndalje të shtesave e shumë çka tjetër ata po largohen çdo ditë”, ka shkruar Zemaj në Facebook.
Ministri Latifi, sot gjatë seancës së Kuvendit tha se anesteziologët janë prioritet për shkak të ikjes së tyre nga QKUK e në anën tjetër nevoja për ta është e lartë.
“Çështja e anesteziologëve është lënë pas dore për vite të tëra, që nga viti 2016 nuk kemi pas konkurs për specializime. Po të ishte bërë kjo tani do të kishim dy gjenerata të anesteziologëve. Pasojat po i përjetojmë tash. Nga viti 2020 mungojnë 22 anesteziologë”, është shprehur sot ministri Latifi.
Sipas Deputetit Zemaj, ministri është duke tentuar të mashtroj publikun “Mashtrimi e demagogjia nuk janë zgjidhje, paaftesia qeverisëse po na kushton të gjithëve pa përjashtim”.
Zemaj në reagimin e tij gjithashtu ka bashkangjitur listën e anesteziologëve të cilët filluan shkollimin specialistik gjatë 2020.
Shkollimi Specialistik pati filluar në maj të vitit 2020. /Gazeta Shneta/
