Mya Crosbie, mahniti mjekët sa herë që shërohej nga gjendja vdekjeprurëse e sepsës.
Mya, tani pesë vjeç, lindi me sindromën Ellis-Van Creveld, një çrregullim i trashëguar i rritjes së kockave që rezulton e shkurtërt (xhuxhe). Ajo gjithashtu kishte probleme me zemrën për shkak të gjendjes së saj dhe kishte një linjë ushqimi direkt në zemrën e saj për katër vitet e para të jetës.
Sepsa ndodhi në mënyrë të përsëritur në linjën e të ushqyerit, duke dërguar baktere në qarkullimin e gjakut, shkruan Express.co.uk transmeton Gazeta Shneta.
Vogëlushja Mya lindi pasi e ëma Cheryl kishte pësuar 18 aborte, për shkak të sëmundjes autoimune të lupusit.
Por mjekët vunë re problemet e rritjes së Mya-s në barkun e nënës në javën e 20-të dhe ofruan ndërprerjen e shtatzënisë. Mes tjerash, Cheryl tha se: “Nuk e dija se çfarë do të kishte e ardhmja për Mya.
“Mjekët nuk menduan se ajo do të mund të merrte frymë vetë. Ata i ofruan ndërprerje të shtatzënisë për katër herë radhaz. Por për mua të mbetesha shtatzënë me Mya-n pas kaq shumë abortesh ishte një mrekulli, kështu që nuk kishte asnjë mënyrë që të pajtohesha me të. Unë do t’i jepja asaj çdo mundësi për të mbijetuar.”
Sepsa ndodh kur sistemi imunitar i trupit reagon ndaj një infeksioni duke sulmuar organet dhe indet.
Nëna Cheryl tha se: “Të mposhtsh sepsën tetë herë është e mahnitshme, por kjo është e gjitha Mya.”
Mya nuk ka më tubin e ushqimit, kështu që ka më pak gjasa të kap sepsë, megjithëse mbetet një rrezik.
Ajo së fundi mori pjesë në një koncert nga Coldplay – grupi i saj i preferuar – organizuar nga Fondacioni John O’Byrne, i cili punon me fëmijët më të sëmurë të Skocisë. /Gazeta Shneta/