Ish-ministri i Shëndetësisë Armend Zemaj ka vazhduar replikën e tij me ministrin Arben Vitia për procesin e specializimeve.
Vitia në ekspozenë e tij kritikoi procesin e specializimeve që sipas tij është kryer me shumë parregullësi dhe do të ketë pasoja në të ardhmen, shkruan Gazeta Shneta.
Në anën tjetër Zemaj ka thënë se procesi i specializimeve është bazuar në kërkesa të burimeve njerëzore dhe klinikave.
Zemaj ka lexuar kërkesën e Klinikës së Kardiologjisë e cila sipas tij ka kërkuar 50 specializantë.
“Ka deficit në shumë profile të cilat janë pothuajse zero. Shumë shërbime kanë qenë afër mbylljes për shkak të mungesës. Të gjitha kriteret janë respektuar dhe për këtë jemi lavdëruar”, ka deklaruar Zemaj.
Ai ka thënë se në kohën e tij në procesin e specializimeve është eliminuar koha kur janë pranuar vetëm familjarëve të profesorëve dhe politikanëve.
“Është eliminuar koha kur janë pranuar vetëm fëmijë të profesorëve dhe politikanëve”, ka deklaruar Zemaj. /Gazeta Shneta/