Ish-ministri i Shëndetësisë Armend Zemaj, tani deputet i LDK-së në Kuvend, i është kundërpërgjigjur pasardhësit të tij Arben Vitia, i cili tha se nuk ka gjetur asnjë dokument për procesin e vaksinave në MSH.
Zemaj ka reaguar duke thënë se deklarata e Vitisë nuk është e vërtetë dhe shtuar se kjo mund të dëshmohet me dosjen e dokumenteve që ia ka lënë në MSH, shkruan Gazeta Shneta.
“Paaftësinë tuaj menaxheriale po e paraqisni me kinse parregullsi. Të gjitha dosjet, kërkesat dhe komunikimet ua kam dorëzuar si proces demokratik, fatkeqësisht të cilin unë nuk e kam gjetur kur kam ardhur në pozitë pas jush”, ka deklaruar Zemaj.
“Unë kam qenë në Prishtinë, ka mjaftuar një komunikim dhe do të vija me USB për t’ua sqaruar të gjitha. Ndoshta është për neglizhencën tuaj”, ka thënë ai. /Gazeta Shneta/
