Shtatzënia sjell ndryshime të mëdha në trupin e gruas, dhe një prej tyre shpesh kalon pa u vënë re: zemra duhet të pompojë deri në 50% më shumë gjak krahasuar me para shtatzënisë. Pas lindjes, ajo duhet të rikthehet shpejt në funksionim normal.
Shumica e grave i përballojnë mirë këto ndryshime, por për disa, shtatzënia shërben si një “test stresi” që mund të zbulojë probleme të reja kardiake ose të përkeqësojë sëmundjet ekzistuese. Më të zakonshmet janë: tensioni i lartë i gjakut gjatë shtatzënisë (preeklampsia, hipertensioni gestacional), aritmitë dhe dobësimi i muskulit të zemrës (dështimi i zemrës), shkruan Health Day transmeton Gazeta Shneta.
Edhe pse këto gjendje e bëjnë shtatzëninë më të ndërlikuar, kujdesi i specializuar siguron një përfundim të sigurt për nënën dhe fëmijën.
Për më tepër, gratë që kanë komplikime të tilla gjatë shtatzënisë janë në rrezik më të lartë për sëmundje të zemrës më vonë në jetë, ndaj kujdesi parandalues është thelbësor.
Këshilla kryesore:
– Diskutoni me mjekun para shtatzënisë nëse keni pasur probleme me zemrën.
– Pyetni nëse terapia me aspirinë me dozë të ulët është e përshtatshme për ju.
– Raportoni menjëherë çdo simptomë të re si lodhje e rënduar, dhimbje gjoksi, gulçim, rrahje të shpejta apo ënjtje të papritur.
– Njohja e rrezikut dhe bashkëpunimi i ngushtë me mjekun janë çelësi për një shtatzëni të shëndetshme. /Gazeta Shneta/