Mjekët në Kosovë kanë votuar sot për përfaqësuesit e tyre në Kuvendin e Odës së Mjekëve të Kosovës.
Sipas një njoftimi të KQZ-së së OMK-së, procesi zgjedhor i mbajtur në të gjitha njësitë nëpër Kosovë ka shkuar pa probleme, transmeton Gazeta Shneta.
“Çdo mjek, anëtar i OMK-së, ka pasur të drejt vote. Procesi i votimit ka shkuar në rregull dhe nuk është paraqitur asnjë problem. Anëtarët e Kuvendit zgjidhen për një mandat katër-vjeçar”, thuhet në njoftim.
Pas numërimit të votave KQZ pritet të publikojë edhe rezultate preliminare.
Njoftimi i plotë nga OMK:
Sot nëpër institucionet shëndetësore në të gjithë Kosovën u mbajtën zgjedhjet për kuvendin e OMK-së.
Të gjitha qendrat e votimit për zgjedhjet për kuvendin e OMK-së u hapën me kohë dhe votimi ka zgjatur deri në orën 15:00.
Çdo mjek, anëtar i OMK-së, ka pasur të drejt vote. Procesi i votimit ka shkuar në rregull dhe nuk është paraqitur asnjë problem. Anëtarët e Kuvendit zgjidhen për një mandat katër-vjeçar.
Pas procesit të numërimit pranë KQZ-së do të publikohet lista preliminare e kandidatëve.